Yeni dünya qurulacaq və Türkiyə... - Kurtulmuş

Türkiyə Böyük Millət Məclisinin (TBMM) sədri Numan Kurtulmuş 14-cü Səfirlər Konfransında çıxış edib.

 

Qarabaginfo.az xəbər verir ki, bu barədə Türkiyənin Azərbaycandakı fövqəladə və səlahiyyətli səfiri Cahit Bağcı X platformasında (tviter) paylaşım edib.

 

"Sözü güclü, gücü təsirli Türkiyəni öz xarici siyasət təmayülündə inşa edəcəyik. Yeni bir dünya qurulacaq və Türkiyə burada lider rolunu mütləq alacaq", - Kurtulmuş çıxışı zamanı bildirib.

 

Kurtulmuş həmçinin Rusiyanın Ukrayna ərazilərini işğal etməsinin qəbuledilməz olduğunu vurğulayıb. Onun sözlərinə görə, müharibənin uzun müddət davam etməsi üçün çalışanlar var.