Tezliklə sülh müqaviləsinin imzalanacağına ümid edirik - KTMT

KTMT Ermənistanla Azərbaycan arasında sülh müqaviləsinin tezliklə imzalanacağına ümid edir.

 

Qarabaginfo.az xəbər verir ki, bunu təşkilatın Baş katibi İmanqali Tasmaqambetov deyib.

 

Onun sözlərinə görə, Cənubi Qafqaz regionundakı vəziyyətlə bağlı mütəmadi danışıqlar aparılır və bu yaxınlarda Avropada görüş keçirilib.

 

Tasmaqambetov onu da bildirib ki, həm Azərbaycan, həm də Ermənistan tərəfi praktiki olaraq 1991-ci il "Alma-Ata bəyannaməsi"nə əsasən iki ölkə arasındakı sərhədləri tanıyır.