Pekində koronavirus xəstələrinin hamısı sağalıb

Pekində koronavirusa yoluxan son 2 pasiyent də sağalaraq evinə buraxılıb.

Qarabaginfo.az xəbər verir ki, bu barədə Pekin Gigiyena və Sağlamlıq Komitəsi məlumat yayıb. Qeyd olunub ki, şəhərin tibb müəssisələrində bütün koronavirus xəstələri müalicə olunaraq sağalıb.

Pandemiya başladıqdan bu günə qədər Pekində koronavirusa 935 yoluxma faktı qeydə alınıb. Şəhərdə epidemioloji nəzarət tədbirləri zəiflədilib. Küçədə maska ​​taxmaq könüllü olsa da, ictimai nəqliyyatda, eləcə də mağaza, kinoteatr, dövlət qurumları və digər insan sıxlığı yaşanan yerlərdə maska taxmaq tələb olunur.

Statistikaya görə, Çinin materik hissəsində koronavirusa yoluxanların 94,13% -i sağalıb. 2019-cu ilin dekabr ayından bu günə qədər ölkə üzrə yoluxanların sayı 84,9 mini keçib, son 7 gün ərzində 108 yeni yoluxma faktı aşkarlanıb. Ölkə üzrə 15 apreldən etibarən koronavirusdan ölüm faktı qeydə alınmayıb. Pandemiya dövründə ölüm nisbəti 5,45% faiz təşkil edib. Hazırda tibb müəssisələrində 347 aktiv koronavirus xəstəsinin olduğu bildiirlib.