PUA-larla bağlı dərslər tədris proqramına salınsın - Putin

Rusiya prezidenti Vladimir Putin PUA-larla bağlı dərslərin ibtidai sinifdən başlayaraq tədris proqramına və kurrikuluma daxil edilməli olduğunu bildirib.

 

Qarabaginfo.az Rusiya mətbuatına istinadən xəbər verir ki, o, insansız sistemlərin inkişafı üzrə milli layihəyə toxunub.

 

Putin iqtisadi artımın və insanların həyat keyfiyyətinin yüksəldilməsi üçün bu sektorun bütün potensialından istifadə edilməli olduğunu vurğulayıb.

 

Rusiya baş nazirinin birinci müavini Andrey Belousov isə 2030-cu ilə qədər ildə 32 min PUA istehsal gücünə çatmağı hədəflədiklərini söyləyib.