Britaniyalı deputat: Cəsur insanlar Ağdamda minaları təmizləyirlər

Birləşmiş Krallıq Parlamentinin Azərbaycanla parlamentlərarası dostluq qrupunun rəhbəri Bob Bləkmən ötən həftə Azərbaycana səfəri zamanı Ağdamda minatəmizləmə prosesini izləyib.

Qarabaginfo.az xəbər verir ki, bu barədə siyasətçi Tvitter hesabındfa məlumat verib.

“Ağdamda minalardan təmizləmə sahəsində nəzarətli partlayış baş verib. Erməni qüvvələri tərəfindən Azərbaycan ərazisinə 1 milyondan çox mina basdırılıb. İndi cəsur insanlar onları təmizləyirlər ki, azad edilmiş ərazilər yaşayış binaları və kənd təsərrüfatı üçün istifadə olunsun” – Bləkmən bildirib.