DataLife Engine > Yazdırılabilir versiyon > Vilayəti regionda sülh və əmin-amanlığın bərqərar edilməsinə diqqət çəkib

Bu günlərdə Azərbaycan və İranın xarici işlər nazirləri arasında telefon danışığı olub. Tərəflər iki ölkə arasında müşahidə olunan gərginliyi müzakirə ediblər və onun aradan qaldırılması ilə bağlı fikir mübadiləsi aparıblar.

Qarabaginfo.az xəbər verir ki, bunun ardınca İranın Ali Rəhbəri Seyid Əli Xameneinin beynəlxalq məsələlər üzrə müşaviri Əli Əkbər Vilayətinin İRNA agentliyi tərəfindən "Mən də Azərbaycanlıyam" adlı məqaləsi dərc olunub.

Məqalədə Vilayəti İran və Azərbaycan xalqları arasında tarixi əlaqələr barədə öz fikirlərini bölüşüb. Azərbaycan xalqının öz ölkəsini irəli apardığını diqqətə çatdıran Vilayəti regionda sülh və əmin-amanlığın bərqərar edilməsi üçün qarşıda duran vəzifələrin yerinə yetirilməsinin zəruri olduğunu bildirib.