Türkiyə XİN rəhbəri Ermənistanın törətdiyi son təxribatdan danışıb

Ermənistan fərqli yollarla Qarabağa silah göndərməyə çalışırdı, təəssüf ki, yenə bir gərginlik oldu.

Qarabaginfo.az xəbər verir ki, bu barədə Türkiyə xarici işlər naziri Mövlud Çavuşoğlu “Haber Türk” kanalına müsahibəsində bildirib.

“Bu gərginliyi kənara qoyub hərtərəfli sülh sazişini imzalayıb yolların (Zəngəzur dəhlizi -red.) bərpasını, inşasını başlatmaq lazımdır. Bu Ermənistanın da xeyrinədir”.

Nazir, Azərbaycandan İran vasitəsi ilə də Naxçıvana bir yolun mövcud olmasının vacibliyini vurğulayıb:

“Biz bunu da dəstəkləyirik, çünki hər zaman alternativlər lazımdır. Bir yerə bağlı olmaq risklidir”.