Mirzoyan yaxın vaxtlarda Ceyhun Bayramovla görüşəcəyini bildirib

Ermənistanın xarici işlər naziri Ararat Mirzoyan azərbaycanlı həmkarı Ceyhun Bayramovla yaxın zamanlarda görüşəcəyini deyib.

Qarabaginfo.az "Sputnik Armenia"ya istinadən xəbər verir ki, o, bu barədə parlamentdə çıxışında deyib.

Mirzoyan danışıqların aparılması ilə bağlı partnyorlar, vasitəçilər və beynəlxalq aktorlardan çoxlu təkliflər aldıqlarını deyib.

Nazir Ermənistan və Azərbaycanın birbaşa və üçüncü ölkələr vasitəsilə kontaktda olduqlarını da vurğulayıb.