Putin qondarma qurumun rəhbəri ilə görüşdü

Rusiya prezidenti Ukrayna ərazilərində yaradılmış qondarma "Donetsk XR" qurumunun "rəhbəri" Denis Puşilini qəbul edib.

 

Modern.az TASS-a istinadən xəbər verir ki, görüşdə regionla bağlı məsələlər müzakirə olunub.

 

"Rusiya Federasiyasının vəzifəsi Ukrayna Silahlı Qüvvələrini zərər verə bilməyəcəyi bir məsafəyə qədər geri oturtmaqdır. Hərbçilərin vəzifəsi ümumiyyətlə Donbasda döyüşlərin olmamasıdır", - deyə Putin deyib.

 

O əlavə edib ki, bölgədə dəmir yolunun yeni hissələrinin tikintisi planlaşdırılır.

 

Qeyd edək ki, Rusiya "Donetsk XR", "Luqansk XR", Xerson və Zaporojye vilayətlərini ötən il ilhaq etdiyini açıqlayıb.