2 ayda 62 mindən çox “ASAN İmza” sertifikatı verilib

Bu il yanvar-fevral aylarında Azərbaycanda ümumilikdə 42 245 müraciət üzrə 62 659 “ASAN İmza” sertifikatı verilib.

Bu barədə İqtisadiyyat Nazirliyi yanında Dövlət Vergi Xidməti məlumat yayıb.

Məlumata görə, hesabat dövründə həmçinin 2 800-ə yaxın vergi ödəyicisinə qüvvədə olan "ASAN İmza" ilə mövcud sertikatın yenilənməsi və yeni sertifikatın verilməsi elektron xidmətləri göstərilib.