"Yanaşmamız Azərbaycan və Ermənistanla əlaqələrimizə sərmayə qoymaqdır".
Qarabaginfo.az xəbər verir ki, bunu brifinqdə ABŞ Dövlət Departamentinin sözçüsü Ned Prays deyib.
O, ötən həftəsonu İranın qırıcı təyyarəsinin uçuşundan sonra Azərbaycanla İran arasında gərginliyin artmasını şərh edib:
“Azərbaycan və İrana gəlincə, təbii ki, İran uzun müddətdir ki, regionda pis niyyətli oyunçudur. O həm yaxın, həm də uzaq qonşularını təhdid edən zərərli işlərlə məşğul olur. Ona görə də bu cür gərginliyi narahatlıqla izləyirik.
Yanaşmamız ondan ibarətdir ki, Azərbaycan, Ermənistanla Cənubi Qafqazda qarşılıqlı fəaliyyətimizə sərmayə yatıraq, bu, daha sabit, münaqişə və gərginliyə daha az meylli olardı”.(Yenisabah.az)