Zelenski "Vaqner"in sahibi və ailəsinə sanksiya qoydu 

Ukrayna prezidenti Volodimir Zelenski Rusiya Federasiyasının 277 vətəndaşına və 92 hüquqi şəxsə sanksiya tətbiq edib.

 

Qarabaginfo.az "Novaya Gazeta Europe"a istinadən xəbər verir ki, siyahıda "Vaqner" qruplaşmasının sahibi Yevgeni Priqojin və ailəsi də yer alıb.

 

Fiziki şəxslər siyahısında həmçinin Zaporojye vilayətinin işğal olunmuş hissəsinin “vitse-qubernatoru” Sergey Tolmaçov və başqaları da var.

 

Sanksiyaya məruz qalan şirkətlər siyahısına Priqojinlə əlaqəli "FAN", "Concord Management and Consulting", eləcə də Mərkəzi Afrika Respublikası və Çinin bir sıra şirkətləri daxil edilib.(Modern.az)