Roskosmos Türkiyədə zəlzələdən sonra yaranan tektonik qırılmanın peyk görüntüsünü yayıb

Rusiya peyki Türkiyənin Hatay vilayətində zəlzələ nəticəsində hava limanının dağılan uçuş-enmə zolağının görüntüsünü yayıb.

Qarabagindo.az-ın "Roskosmos"un Telegram kanalına istinadən verdiyi məlumata görə, görüntüdə hava limanının ətrafındakı geniş ərazinin su altında qaldığı müşahidə edilir.

Müqayisə üçün 2021-ci ilin dekabrında çəkilmiş foto də əlavə olunub.

Qeyd edək ki, fevralın 6-da baş vermiş güclü zəlzələ nəticəsində Hatay hava limanının yeganə uçuş-enmə zolağı tamamilə sıradan çıxıb.

Bundan əlavə, Roskosmos Türkiyədə baş vermiş güclü zəlzələ nəticəsində yaranan tektonik qırılmanın peyk görüntüsünü də yayıb. (apa.az)