Zəlzələ Türkiyədə neft kəmərlərinə zərər vurmayıb

Dağıdıcı zəlzələ Türkiyədə neft kəmərlərinin fəaliyyətinə təsir göstərməyib.

Qarabaginfo.az xəbər verir ki, bu barədə “Botaş” şirkəti məlumat yayıb.

"Yoxlamalardan sonra xam neft daşıyan neft kəmərlərinə heç bir ziyan dəyməyib", - deyə şirkətin mətbuat xidmətindən bildirilib.

Şirkətdən qeyd edilib ki, ehtiyat tədbiri olaraq zəlzələnin episentrinə yaxın bir sıra ərazilərə qazın verilməsinin dayandırılması qərara alınıb.

Ötən gecə saat 04:17-də Kahramanmaraş bölgəsində 7,4 bal gücündə zəlzələ baş verib və bu, bir sıra şəhərlərdə dağıntılara səbəb olub. İlkin məlumatına görə, zəlzələ nəticəsində Türkiyənin 7 əyalətində 76 nəfər ölüb, 440 nəfər yaralanıb.