23 min azərbaycanlı Rusiya vətəndaşlığına keçdi

Ötən il Rusiya vətəndaşlığı alan azərbaycanlıların sayı açıqlanıb.

 

Qarabaginfo.az xəbər verir ki, bu barədə “RBK” agentliyi məlumat yayıb.

 

Belə ki, 2022-ci ildə Azərbaycandan olan 23 min nəfər Rusiya vətəndaşlığına qəbul edilib. Bu göstərici ilə Azərbaycan 6-cı yerdə qərarlaşıb.

 

Qeyd edək ki, keçən il Rusiya vətəndaşlığı alanların 43 faizi (təxminən 297 min nəfər) ukraynalılar olub. İlk üçlükdə Tacikistan (174 min nəfər) və Ermənistan (45 min nəfər) yer alıb.