Yollarda ağırçəkili nəqliyyat vasitələrinin hərəkətinə icazə üçün dövlət rüsumu müəyyənləşir

Ümumi istifadədə olan avtomobil yolları ilə iriqabaritli və ağırçəkili nəqliyyat vasitələrinin hərəkətinə icazə verilməsi üçün dövlət rüsumu müəyyənləşir.

Qarabaginfo.az-ın xəbərinə görə, bu, Milli Məclisin yaz sessiyası çərçivəsində fevralın 1-də keçiriləcək iclasının gündəliyinə daxil edilmiş “Dövlət rüsumu haqqında” qanuna təklif edilən dəyişiklikdə əksini tapıb.

Layihəyə əsasən, ümumi istifadədə olan avtomobil yolları ilə iriqabaritli və ağırçəkili nəqliyyat vasitələrinin hərəkətinə icazə verilməsi üçün dövlət rüsumunun məbləği 50 manat olacaq.