İsveçdən Quranla bağlı açıqlama: Hörmətsiz davranış…

Bir çox insan üçün müqəddəs olan kitabı yandırmaq olduqca hörmətsiz davranışdır.

Qarabaginfo.az xəbər verir ki, bunu İsveçin Baş naziri Ulf Kristersson Türkiyə səfirliyi qarşısında Qurani-Kərimin yandırılması ilə bağlı açıqlamasında deyib.

“İfadə azadlığı demokratiyanın bir parçasıdır. Ancaq bir şeyin qanuni olması onun uyğun olması demək deyil. Bu gün Stokholmda baş verənlərdən narahat olan müsəlmanlara simpatiyamı bildirirəm”, - Kristersson bildirib.

İsveçin xarici işlər naziri Tobias Billstörm isə islamofob təxfibatların qorxulu olduğunu deyib:

“İsveç geniş ifadə azadlığına malikdir, lakin bu bizim və ya İsveç hökumətinin ifadə edilən fikirləri dəstəklədiyi anlamına gəlmir”.

Qeyd edək ki, İsveç hökuməti Türkiyə səfirliyi qarşısında müqəddəs Qurani-Kərim kitabının yandırılmasına icazə vermişdi.