Lavrov Azərbaycan və Ermənistan səfirləri ilə sərhəddəki gərginliyi müzakirə edib

Rusiya Xarici İşlər naziri Sergey Lavrov Azərbaycan və Ermənistan səfirləri ilə sərhəddəki gərginliyi və Dağlıq Qarabağ münaqişəsinin nizamlanmasını müzakirə edib.

Qarabaginfo.az xəbər verir ki, Rusiya Xarici İşlər Nazirliyinin (XİN) mətbuat xidmətindən verilən məlumata görə, S. Lavrov Polad Bülbüloğlu və Vardan Toqanyanla işgüzar səhər yeməyində Cənubi Qafqazda təhlükəsizliyin təmin olunması məsələlərini, Ermənistan-Azərbaycan sərhədində vəziyyətin sabitləşməsi, ATƏT-in Minsk Qrupunun həmsədrlərinin himayəsi altında Dağlıq Qarabağ münaqişəsinin nizamlanması səylərinin fəallaşması perspektivlərini müzakirə edib. APA