Almaniyada dövlət çevrilişinə cəhdə hazırlıqla bağlı Rusiya vətəndaşı da saxlanılıb

Almaniya Ali Federal Məhkəməsi dövlət çevrilişinə cəhdə hazırlıqda ittiham olunan 23 nəfərin həbsi barədə order verib.

Qarabaginfo.az Almaniya Baş Prokurorluğuna istinadən xəbər verir ki, onlar arasında çevriliş cəhdinə hazırlıqlara dəstək göstərən Rusiya vətəndaşı da var.

Vitaliya B. adlı Rusiya vətəndaşı digər ifrat sağçı qruplaşma üzvləri ilə birlikdə ötən çərşənbə günü həbs olunub.

Rəsmi Berlin çevrilişə cəhdə hazırlıqla bağlı daha 2 Almaniya vətəndaşının İtaliya və Avstriyadan ekstradisiyasını müzakirə edir.