Somalidə dövlət rəsmilərinin qaldığı hotelə hücum edildi - Nazir yaralandı

Somalinin paytaxtı Moqadişu şəhərində hökumət rəsmilərinin istifadə etdiyi hotelə hücum edilib.

Qarabaginfo.az xəbər verir ki, bu barədə "Reuters" agentliyi yerli rəsmilərə istinadən məlumat yayıb.

Hücum edən şəxslərin "Əş-Şəbab" terror qruplaşmasının üzvləri olduğu bildirilir.

Qruplaşmanın üzvlərinin Somali prezidentinin sarayına yaxın olan “Villa Rose” hotelinə partlayıcı və silahla basqın ediblər. Hücum edənlərin sayı açıqlanmayıb.

Hücum zamanı Somalinin daxili işlər nazirinin yaralandığı qeyd olunur.