Beynəlxalq Atom Enerjisi Agentliyi İranın nüvə obyektinə nəzarəti gücləndirir

Beynəlxalq Atom Enerjisi Agentliyi (BAEA) İranın Fordodakı nüvə obyektinə nəzarəti gücləndirmək niyyətindədir.

Qarabaginfo.az xəbər verir ki, bu barədə Reuters agentliyi məlumat yayıb.

Agentliyin baş direktoru Rafael Qrossi bildirib ki, İran mövcud iki IR-6 sentrifuqa kaskadından istifadə etməklə uranı 60 faizə qədər zənginləşdirib.

Onun sözlərinə görə, nüvə obyektində UF6 (uran heksaflorid) istehsalına başlanılıb.

Bundan əvvəl BAEA Şurası İranı öz obyektlərində əvvəllər aşkar edilmiş nüvə materialının mənşəyini təcili izah etməyə, sənədləri təqdim etməyə və bu obyektlərə girişi təmin etməyə çağırıb.