"Polşa ərazisinə raket düşməsi ilə bağlı xəbərlər narahatlıq doğurur"

Rusiya raketlərinin Polşa ərazisinə düşməsi ilə bağlı xəbərlər narahatlıq doğurur.

Qarabaginfo.az xəbər verir ki, bunu ABŞ Dövlət Departamentinin sözçüsü Vedant Patel deyib.

O əlavə edib ki, Vaşinqton nə baş verdiyini və müvafiq növbəti addımları müəyyənləşdirməyə çalışır.

"Dövlət Departamenti tərəfdaşlarla danışır və Polşa hökuməti ilə işləyir", - Petel bildirib.

Ağ Ev isə vurğulayıb ki, ABŞ hələlik Polşadan gələn xəbərləri təsdiq edə bilmir.

CNN-in məlumatına görə, ABŞ müdafiə naziri Lloyd Ostin tezliklə polşalı həmkarı ilə danışıqlar aparacaq.