Alimlər Sakit okeandakı Mariana çökəkliyində dünyanın ən dərin yerində yaşayan balıq növü aşkar ediblər.

"Qarabaginfo" "Report"-aistinadən xəbər verir ki, qeyri-adi canlıların videosu "YouTube" videoportalında yerləşdirilib.

"The Independent" nəşri "Mariana dəniz ilbizi" (Mariana snailfish) adı verilən balıq növünün 8,1 km dərinlikdə yaşadığını yazıb. Eyni zamanda, alimlər nəzəriyyədə balıqların yaşaması üçün maksimum dərinliyin 8,2 km olduğunu bildiriblər.

Yeni balıq növü ilə bağlı hesabat hazırlayan Vaşinqton Universitetinin mütəxəssisləri qeyd edirlər ki, "ilbiz" ekstremal şərtlərə uyğunlaşa bilməyəcək kimi görünsə də, əslində, o, öz yaşayış mühitinə mükəmməl alışıb.