“Nikol “vətənpərvər” çıxışlar edəndə müharibə başlayır - Eduard Şarmazanov

Nikol “vətənpərvər” çıxışlar etməyə başlayanda bu o deməkdir ki, müharibə və itkilər çox yaxındır”. 

Bu sözləri Ermənistan Respublika Partiyasının mətbuat katibi Eduard Şarmazanov baş nazir Nikol Paşinyanın noyabrın 11-də hökumətin iclasında səsləndirdiyi bəyanatları şərh edərkən yazıb:

““Nikol “vətənpərvər” nitqlər etməyə başlayanda müharibə və itki yaxınlaşır. 25 və 26 sentyabr 2020-ci il tarixlərini xatırlayın. Bunun ardınca müharibə, 9 noyabr biabırçılığı və “sülh gündəmi” gəldi” – deyə Şarmazanov  bildirib.

O, deyib ki, xarici ssenaristlər, yəqin ki, “milli azadlıq” nitqləri səsləndirmək, yeni toqquşma yaratmaq və nəhayət, Azərbaycan-Türkiyə gündəliyinin həyata keçirilməsinə nail olmaq tapşırığı veriblər.

“İstisna etmirəm ki, “sülhsevər” Nikol Ermənistan adına ölməyə hazır olduğunu elan edəcək. Ancaq nəticədə başqaları öləcək və Nikol 2 nömrəli təslim aktına imza atacaq” – deyə Şarmazanov fikrini yekunlaşdırıb.