Daha 250 Azərbaycan vətəndaşı Dağıstandan təxliyə ediləcək

“Qarşıdakı həftə Dağıstandan 250 vətəndaşımız, həmçinin İran və Türkiyədən gəlmiş vətəndaşlarımızın Gürcüstan-Azərbaycan sərhədi ilə ölkəyə gətirilməsi nəzərdə tutulur”.

 
Qarabaginfo.az xəbər verir ki, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev bildirib.
 
H. Hacıyev qeyd edib ki, həftə ərzində Gürcüstanda olan 200 vətəndaş Azərbaycana gətiriləcək: “Qətərdən və Macarıstandan da Azərbaycana vətəndaşların gətirilməsi nəzərdə tutulub”.