Ərdoğan Britaniya kralı ilə telefonla danışdı

Türkiyə Prezidenti Rəcəb Tayyib Ərdoğan Böyük Britaniya Kralı III Çarlzla telefon əlaqəsi saxlayıb.

Qarabaginfo.az xəbər verir ki, bu barədə Türkiyə Prezidentinin mətbuat xidməti məlumat yayıb.

Telefon danışığı zamanı Türkiyə-Birləşmiş Krallıq əlaqələri müzakirə edilib.

Ərdoğan kraliça Elizabetin ölümü ilə bağlı başsağlığı verib.

Türkiyə lideri iki ölkə arasında strateji tərəfdaşlıq və müttəfiqliyə əsaslanan, bir çox sahələri əhatə edən güclü əlaqələrin yeni dövrdə də inkişaf edəcəyinə inandığını bildirib.