MN: Kəlbəcərdə təminat daşıyan texnikamız atəşə tutulub

Ermənistan silahlı qüvvələrinin bölmələri oktyabrın 20-si gecə saatlarında Basarkeçər rayonunun Günəşli və Yuxarı Şorca yaşayış məntəqələri istiqamətlərində yerləşən mövqelərindən Ordumuzun Daşkəsən rayonunun Astaf, Kəlbəcər rayonunun Zəylik və Mollabayramlı yaşayış məntəqələri istiqamətlərində yerləşən mövqelərini müxtəlif çaplı silahlardan fasilələrlə atəşə tutub.

Qarabaginfo.az xəbər verir ki, bu barədə Müdafiə Nazirliyi (MN) məlumat yayıb.
Xəbərə görə, bundan əlavə Kəlbəcər rayonunun Zəylik yaşayış məntəqəsi istiqamətində bölmələrimizə təminat daşıyan 1 ədəd "KamAZ" markalı avtomobil də Ermənistan hərbi bölmələri tərəfindən atəşə məruz qalıb.

"Texnikaya zərər dəysə də, şəxsi heyət arasında xəsarət alan olmayıb", MN-dən bildirilib.