Rusiya raketləri Ukraynanı işıqsız qoyub

Rusiyanın son iki gündə atdığı raketlər Ukraynanın enerji infrastrukturunun təxminən üçdə birini yararsız hala salıb.

 

Qarabaginfo.az xəbər verir ki, bu barədə Ukraynanın energetika naziri Qerman Qaluşenko mətbuata açıqlamasında bildirib.

 

Onun sözlərinə görə, məqsəd Ukrayna elektrik enerjisinin Avropaya ixracının qarşısını almaqdır. Qaluşenko vurğulayıb ki, Ukrayna başqa mənbələrdən enerji tədarükünü tezliklə bərpa etməyə çalışır.

 

Eyni zamanda, o, Ukraynanın enerji sisteminin hələ də sabit olduğunu qeyd edib, lakin dünyanı Ukraynanı hava hücumundan müdafiə sistemləri ilə təmin etməyə çağırıb.