Fatih Dönmez: "TANAP-ın ötürmə qabiliyyəti 32 milyard kubmetrə çatdırılacaq"

TANAP-ın illik ötürmə qabiliyyətin 2 dəfə artırılması, 16 milyard kubmetrdən 32 milyard kubmetrə qədər qaldırılmasına dair qərar qəbul olunub.

Qarabaginfo.az-nın İstanbul müxbirinin verdiyi xəbərə görə, bunu Türkiyənin energetika naziri Fatih Dönmez İstanbulda keçirilən Azərbaycan-Türkiyə II Enerji Forumunu çərçivəsində mətbuata verdiyi açıqlamasında deyib.

Onun sözlərinə görə, bu Avropanın enerji təhlükəsizliyinin təminatı məsələsində mühür addım olacaq.

F. Dönmez, Azərbaycandan Gürcüstan vasitəsi ilə elektrik enerjisinin transferinin müzakirə mövzusu olduğunu da vurğulayıb.

Nazir, həmçinin, Iğdır-Naxçıvan təbii qaz xəttində işlərin son mərhələyə çatdığını da diqqətə çatdırıb.