Ermənistan bütün mümkün ölkələrdən silah almağa çalışır - Deputat

Ermənistan bütün mümkün ölkələrdə ehtiyaclarını ödəyə biləcək silahlar axtarır. Bu ölkələr arasında Hindistan da ola bilər.


Qarabaginfo.az xəbər verir ki, bunu hakim “Mülki müqavilə” fraksiyasının deputatı, müdafiə və təhlükəsizlik məsələləri üzrə komissiyanın rəhbəri Andranik Köçəryan Hindistandan silah tədarükü ilə bağlı xəbərləri şərh edərkən deyib.
 

“Ermənistan bu silahların ölkəyə çatdırılması üçün bütün mümkün və qeyri-mümkün vasitələrdən istifadə edəcək”, - deyə deputat bildirib.

Köçəryandan baş naziri Nikol Paşinyanın “bir neçə yüz milyon dollarlıq sifariş verilsə də, Ermənistanın müttəfiqləri öhdəliklərini yerinə yetirməyərək silah tədarük etmək istəməyiblər” deyərkən hansı ölkəni nəzərdə tutduğunu soruşublar.

Köçəryanın fikrincə, mötərizənin açılmasına ehtiyac yarandıqda, hakimiyyət bunu edəcək.

Hələlik belə bir ehtiyac yoxdur.
 

Hindistanın “The Economic Times” nəşri daha əvvəl yazıb ki, İrəvan və Dehli təxminən 250 milyon dollar dəyərində silah və sursat tədarükü üçün müqavilə imzalayıblar. Xüsusən də Hindistan tarixdə ilk dəfə olaraq özünün “Pinaka” reaktiv yaylım atəşi sistemlərini bu ölkəyə ixrac etmək niyyətindədir. Ermənistan, eləcə də tank əleyhinə raketlər və digər döyüş sursatları alacaq.