Pakistanda ölənlərin sayı 1208-ə çatdı

Pakistanda iyunun 14-dən bəri davam edən təsirli musson yağışları nəticəsində həyatını itirənlərin sayı 1208-ə çatıb.

Qarabaginfo.az xəbər verir ki, bu barədə Pakistan Milli Fəlakət İdarəetmə Agentliyi (NDMA) məlumat yayıb.

Həyatını itirən 1208 nəfərdən 244-ü qadın, 416-sı uşaqdır. Yaralananların sayı isə 6 min 82 nəfərdir.

Ölkə üzrə 5 min 63 kilometr yol zədələnib, 243 körpü və 173 mağaza dağıdılıb.

Daşqınlar nəticəsində bir milyon 172 min 549 evə ziyan dəyib, onlardan 436 min 307-si tamamilə dağılıb.