Böyük Britaniya G7 ölkələrini Çinə texnologiya ixracını dayandırmağa çağırıb
17-08-2022, 21:51. Yazar: Admin
G7 ölkələri regionda təhlükəsizliyi təmin etmək üçün Çinə texnologiya ixracını məhdudlaşdırmalıdır.
Qarabaginfo.az-ın məlumatına görə, bunu Böyük Britaniyanın xarici işlər naziri Liz Trass Belfastda hakim Mühafizəkarlar Partiyasının üzvləri ilə görüşündə deyib.
"Bizə qarşı istifadə oluna biləcək texnologiyanı ixrac etməyəcəyimizə əmin olmalıyıq”, deyə Trass bildirib.
Bundan əlavə, XİN rəhbəri Çinin avtoritar rejimə malik ölkə olduğunu vurğulayıb.
Onun sözlərinə görə, Çin hakimiyyəti yeni silah növləri yaratmaq üçün texnoloji nailiyyətlərdən istifadə edir.
Geri dön