Donbasda vurulan Malayziya təyyarəsi ilə bağlı qərar noyabrın 17-də açıqlanacaq

Hollandiya məhkəməsi 2014-cü ilin iyulunda Ukraynada hərbi münaqişə zamanı Donetsk vilayətində vurulan sərnişin təyyarəsi ilə bağlı qərarı noybarın 17-də açıqlayacaq.

Qarabaginfo.az xəbər verir ki, bu barədə TASS məlumat yayıb.

Xatırladaq ki, 17 iyul 2014-cü ildə Donetsk vilayətində Amsterdam-Kuala Lumpur marşrutu ilə hərəkət edən və “Malaysia Airlines” aviaşirkətinə məxsus "Boeing-777" təyyarəsinin vurulması nəticəsində təyyarənin göyərtəsində olan 298 nəfərin hamısı həlak olmuşdu.

Hadisəyə görə Ukrayna tərəfi Rusiyanın dəstək verdiyi separatçıları ittiham etmişdi.(Apa)