Azərbaycanlı nazir: Türkiyənin uğurlarını öz uğurumuz kimi qəbul edirik

Türk diplomatları bütün beynəlxalq təzyiq və təhdidlərə baxmayaraq Azərbaycanlı məsləkdaşları ilə birlikdə bütün platformalarda çiyin-çiyinə çalışaraq haqlı sözümüzün dünyada eşidilməsi üşün ciddi mübarizələr apardılar.

Qarabaginfo.az xəbər verir ki, bu barədə Ankarada XIII Səfirlər Konfransında çıxışı zamanı Azərbaycan xarici işlər naziri Ceyhun Bayramov deyib.

O qeyd edib ki, dünyanın 5-ci ən geniş diplomatik şəbəkəsinə malik türk diplomatik nüməyəndəlikləri Türkiyənin gücünə güc qatır.

“Türkiyə bir çox sahədə olduğu kimi, diplomatiyada da yeniliklərin inkişafı və tətbiqi məsələsində qabaqcıl ölkələrdən birinə çevirilmişdir. Türkiyənin diplomatiyada mərkəzi ölkəyə çevirilməsini sevinc və fəxr hissi ilə qarşılayır, uğurlarını öz uğurumuz kimi qəbul edirik”, - deyə o vurğulayıb.