Ana Sayfa > Karusel / Gündəm > "Qarabağ"ın potensial rəqiblərinin ilk duelində Çexiya klubu qalib gəlib
"Qarabağ"ın potensial rəqiblərinin ilk duelində Çexiya klubu qalib gəlib2-08-2022, 22:59. Yazar: Admin |
UEFA Çempionlar Liqasında III təsnifat mərhələsinə start verilib. Qarabaginfo.az-ın məlumatına görə, açılış matçında "Qarabağ"ın pley-offdakı potensial rəqibləri olan Moldova "Şerif"i və Çexiyanın "Viktoriya" (Plzen) komandası qarşılaşıb. Kişineudakı "Zimbru" stadionunda oynanılan qarşılaşma Plzen təmsilçisinin 2:1 hesablı qələbəsi ilə başa çatıb. Hesabı 36-cı dəqiqədə meydan sahibləri açıblar. İbrahim Akanbi Raşid penaltidən fərqlənib. Cəmi 5 dəqiqə sonra qonaqlardan Tomaş Hori 11 metrlik cərimə zərbəsini dəqiq yerinə yetirməklə, tarazlığı bərpa edib. 55-ci dəqiqədə isə Pavel Buça yekun hesabı müəyyənləşdirib. Çempionlar Liqası III təsnifat mərhələsi, ilk oyunlar 2 avqust 21:00. "Şerif" (Moldova) - "Viktoriya" (Plzen, Çexiya) - 1:2 Qollar: İbrahim Akanbi Raşid, 36 (penalti) - Tomaş Hori, 41 (penalti). Pavel Buça, 55 Qeyd edək ki, komandalar arasında cavab matçı avqustun 9-da olacaq. Bu cütün qalibi pley-off mərhələsində "Qarabağ" - "Ferentsvaroş" (Macarıstan) cütünün güclüsü ilə qarşılaşacaq. Ağdam klubu ilə Macarıstan çempionu arasında ilk matç avqustun 3-də Tofiq Bəhramov adına Respublika stadionunda keçiriləcək. Geri dön |