Brüsseldə Azərbaycan-Aİ Əməkdaşlıq Şurasının 18-ci iclası keçirilir

Azərbaycan-Avropa İttifaqı (Aİ) Əməkdaşlıq Şurasının 18-ci iclası keçirilir.

Qarabaginfo.az xəbər verir ki Brüsseldə keçirilən iclasa Azərbaycan xarici işlər naziri Ceyhun Bayramov, Aİ tərəfdən isə nümayəndə heyətinə Aİ-nin Xarici siyasət və Təhlükəsizlik məsələləri üzrə Ali Nümayəndəsi Cozep Borrell sədrlik edir.

Əməkdaşlıq Şurası Aİ-Azərbaycan Tərəfdaşlıq Prioritetləri və Sektorial əməkdaşlığı, Şərq Tərəfdaşlığını, İqtisadi və İnvestisiya Planının icrası ilə bağlı Aİ-Azərbaycan ikitərəfli münasibətlərinin vəziyyəti və növbəti addımlarını müzakirə edir.

Əməkdaşlıq Şurası həmçinin siyasi məsələlər, regional problemlər, demokratiya, qanunun aliliyi və insan haqları üzrə fikir mübadiləsi aparacaq.