Azərbaycan velosiped idxalını artırıb

Bu ilin yanvar-mart ayları ərzində Azərbaycan 2,2 mln. ABŞ dolları dəyərində 54 390 ədəd ikitəkərli və digər növ mühərriksiz velosipedlər idxal edib.

"Qarabaginfo" Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə dəyər ifadəsində 77,4%, miqdar baxımından isə 30,8% çoxdur.

Ölkəyə ən çox velosiped Çindən idxal olunub. Hesabat dövründə Azərbaycan bu ölkədən 2,1 mln. dollar dəyərində 53 639 ədəd velosiped idxal edib.