Türkiyə Prezidenti İsrailin Baş naziri ilə telefonla danışıb

Türkiyə Prezidenti Rəcəb Tayyib Ərdoğan və İsrailin Baş naziri Yair Lapid arasında telefon danışığı olub.

Qarabaginfo.az-ın verdiyi xəbərə görə, bu barədə Türkiyə Prezidenti Administrasiyası məlumat yayıb.

Qeyd olunub ki, İsrail lideri prezident Ərdoğana zəng edərək Qurban bayramını təbrik edib.

Danışıq zamanı Türkiyə-İsrail əlaqələri və regional məsələlər də müzakirə edilib.

Prezident Ərdoğan Yair Lapidi Baş nazir vəzifəsinə təyin olunması münasibətilə təbrik edib.