Ağdaşda avtoqəzada polis işçisi ölüb

Ağdaş rayonunda ölümlə nəticələnən yol-nəqliyyat hadisəsi olub.

Qarabaginfo.az-ın xəbərinə görə rayonun Ləki qəsəbəsi ərazisində hərəkət edən "VAZ 21011" markalı iki minik avtomobili toqquşub.

Hadisə zamanı sürücülərdən biri, Dövlət Yol Polisi Xidmətinin əməkdaşı Samir Zamanpur aldığı ağır xəsarətlər səbəbindən dünyasını dəyişib.

Faktla bağlı araşdırma aparılır.