Britaniyada yoluxma 30 faizdən çox artıb

Böyük Britaniyada koronavirusa yoluxma halları son bir həftə ərzində 30 faizdən çox artıb.

Qarabaginfo.az xəbər verir ki, bu barədə Milli Statistika İdarəsi məlumat yayıb.

Bildirilib ki, ölkədə təxminən 2,3 milyon insan xəstəliyə yoluxub. Bu rəqəm əvvəlki həftə ilə müqayisədə 32 faiz çoxdur.

Səhiyyə rəsmiləri 75 yaşdan yuxarı şəxslərə, eləcə də son altı ayda peyvənd olunmayan vətəndaşlara virusa yoluxmamaq və xəstəxanaya yerləşdirilməmək üçün gücləndirici peyvənd almağı tövsiyə edib.