Bakıda İtaliyanın Milli Bayramı keçirilib

Bakıda İtaliyanın Milli Bayramı qeyd olunub.

Qarabaginfo.az xəbər verir ki, tədbir İtaliya-Azərbaycan diplomatik və dostluq münasibətləri ilə əlaqədar keçirilib.

Dövlət Filarmoniyasında keçirilən bayram tədbirində İtaliya səfiri Klaudio Taffuri və səfirliyin nümayəndələri ilə yanaşı, Azərbaycan Respublikası Prezidentinin köməkçiləri Hikmət Hacıyev, Anar Ələkbərov, təhsil naziri Emil Əmrullayev, Energetika nazirinin müavini Samir Vəliyev iştirak edib.

Bayram tədbiri hər iki ölkənin dövlət himnlərinin səsləndirilməsi ilə başlayıb, ardından iki ölkənin dostluq əlaqələrindən bəhs edən çıxışlar olub.

Çıxış edən Təhsil naziri Emin Əmrullayev iki ölkə arasındakı dostluq münasibətindən danışıb:

“İtaliya Cənubi Qafqazda dövlət səviyyəsində ilk nümayəndəliyini Bakıda açıb. Bu faktor iki ölkə arasındakı əlaqələrin çoxşaxəli olmasının bariz nümunəsidir”.
Çıxışlar bitdikdən sonra tədbir konsert proqramı ilə davam etdirilib.