İsraildə koronavirusa yoluxma sürətlə artır
19-06-2022, 13:14. Yazar: Admin
“İsraildə yeni növ koronavirusa (COVİD-19) yoluxma halları artmağa davam edir, bunu yeni dalğa adlandıra bilərik”.
Qarabaginfo.az-ın TASS-a istinadən verdiyi xəbərə görə, bunu İsrail Səhiyyə Nazirliyinin Baş direktoru Naxman Aş bildirib.
Naxman Aş deyib ki, uzun müddət sonra ilk dəfə cümə günü ölkədə koronavirusa 7 min yoluxma aşkarlanıb: “Düşünürəm ki, biz bunu yeni dalğa adlandırmağa başlayacağıq. Yoluxmanın artmasının səbəbi Omicron ştamıdır. Hökumət hazırkı mərhələdə yenidən sərt məhdudlaşdırıcı tədbirlərin tətbiqi barədə düşünmür. Hazırda söhbət yalnız qapalı ictimai məkanlarda maskadan istifadədən gedir”.
Geri dön