Agentlik sədri: "Koronavirusa görə müayinələrin qəbul məntəqələri tam avtomatlaşdırılıb, gündəlik 5000 nümunə götürülə bilir"

"Karantin elan edilməsi nəticəsində Azərbaycanda koronavirusa yoluxma nəzarətə götürülüb. Bu, tək Azərbaycanın deyil, dünyanın bəlasıdır".

Qarabaginfo.az-ın məlumatına görə, bunu Nazirlər Kabineti yanında Operativ Qərargahın mətbuat konfransında İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev deyib. O bildirib ki, dünyada 3 milyon 500 mindən çox insan bu virusa yoluxub: "Yoluxmaların müəyyənləşdirilməsi üçün analizlərin qəbulu keçirilən məntəqələr var. Bunlar tam avtomatlaşdırılıb. İlk günlərdə 200-300 nümunə götürə bilirdik. İndi  isə 5000 nümunə götürülə bilir". APA