Azərbaycan və Özbəkistan ticarət əlaqələrinin genişləndirilməsini müzakirə ediblər

Azərbaycan və Özbəkistan ticarət əlaqələrinin genişləndirilməsi imkanları və ikitərəfli əməkdaşlığın inkişafı barədə müzakirələr aparıblar.

Qarabaginfo.az-ın verdiyi məlumata görə, bu barədə Azərbaycanın iqtisadiyyat naziri Mikayıl Cabbarov öz “Twitter“ hesabında paylaşım edib.

“Özbəkistanın İnvestisiya və xarici ticarət nazirinin birinci müavini Laziz Kudratovla ölkələrimiz arasında iqtisadi münasibətlərin cari vəziyyəti və perspektivləri, ticarət əlaqələrinin genişləndirilməsi imkanları və ikitərəfli əməkdaşlığın inkişafı barədə müzakirə apardıq”, - paylaşımda qeyd olunur.