NATO Baş katibi ilə Ərdoğan arasında telefon danışığı olub

NATO Baş katibi Yens Stoltenberq və Türkiyə Prezidenti Rəcəb Tayyib Ərdoğan arasında telefon danışığı olub.

Qarabaginfo.az xəbər verir ki, bu barədə Baş katib Stoltenberq "Twitter"də bildirib.

"NATO sammiti öncəsi Prezident Ərdoğan ilə konstruktiv söhbətimiz oldu. Biz Türkiyənin terrorizmlə mübarizədə qanuni təhlükəsizlik narahatlıqlarının aradan qaldırılmasının və Finlandiya ilə İsveçin NATO-ya üzvlük prosesində irəliləyişin əldə edilməsinin vacibliyini müzakirə etdik", NATO Baş katibi qeyd edib.