Anjey Duda: “Polşanın hərbi texnika ehtiyatlarını artırmasına ehtiyacı var”

“Polşanın hərbi texnika ehtiyatlarını artırmasına ehtiyacı var, çünki respublika Ukraynaya çoxlu sayda hərbi texnika verib”.

Qarabaginfo.az TASS-a istinadən xəbər verir ki, bu barədə bazar ertəsi Polşa Prezidenti Anjey Duda bildirib.

Onun sözlərinə görə, ölkəsi Ukraynaya yüzlərlə tank, döyüş maşınları, artilleriya, həmçinin pilotsuz uçuş aparatları, daşınabilən hava hücumundan müdafiə sistemləri, yüz minlərlə döyüş sursatı, ehtiyat hissələri verib: “Bu, Müdafiə Nazirliyinin silah ehtiyatlarını artırması üçün ciddi ehtiyac yaradıb”.

A.Duda Polşanın Ukraynaya azı 1,7 milyard dollar hərbi yardım göstərdiyini vurğulayıb.