Rusiya XİN: Britaniyalı döyüşçülər hərbi əsir statusuna malik deyil

“DXR”də ölüm hökmünə məhkum edilmiş britaniyalılar beynəlxalq humanitar hüquqa görə hərbi əsir statusuna malik deyil.

Qarabaginfo.az İnterfax-a istinadən xəbər verir ki, bu barədə Rusiya Xarici İşlər Nazirliyinin rəsmisi Mariya Zaxarova açıqlama verib.

Zaxarova Britaniya vətəndaşları Eyden Aslin və Şon Pinnerin hərbi əsir deyil, muzdlu döyüşçü olduğunu xatırladıb.

O, Britaniya tərəfindən ölüm hökmünə məhkum olunmuş vətəndaşları ilə bağlı Rusiya XİN-nə hər hansı müraciətin daxil olmadığını da əlavə edib.