Rus iş adamı Aİ-dən Avropa Ədalət Məhkəməsinə şikayət edib

Rusiyalı iş adamı, Sibur neft şirkətinin səhmdarı Dmitri Konov Avropa İttifaqından Avropa Ədalət Məhkəməsinə şikayət edib.

Qarabaginfo.az “Le Matin” saytına istinadla xəbər verir ki, iş adamı ittifaqın Rusiya neftinə tətbiq etdiyi sanksiyaya görə məhkəmə iddiası qaldırıb.

Artıq iddia icraata götürülüb və bu barədə qeyd məhkəmənin saytında yerləşdirilib.

Qeyd edək ki, 2006-cı ildən Sibur nefty-kimya şirkətinə rəhbərlik edən Konov Ukrayna münaqişəsi başladıqdan sonra vəzifəsindən istefa edib. O, indi şirkətin kiçik səhmdarlarından hesab olunur.