Suriyada avtobusda törədilən terror aktı nəticəsində 3 nəfər ölüb

Suriyanın şərqində Deyr əz-Zor əyalətində bir qrup terrorçunun avtobusa hücumu nəticəsində 3 nəfər ölüb, azı 21 nəfər yaralanıb.

Qarabaginfo.az xəbər verir ki, bu barədə Suriyanın SANA xəbər agentliyi məlumat yayıb.

Məlumata görə, silahlı hücum vilayətin cənubundakı Əş-Şula bölgəsində həyata keçirilib.

Ölən və yaralananlar mülki şəxslərdir.

Hadisənin təfərrüatları dəqiqləşdirilir.

Yaralılara lazımi tibbi yardım göstərilir.