ÜST dünyada "meymunçiçəyi"nə yoluxanların sayını AÇIQLADI

Dünyada 23 ölkədə 257 təsdiqlənmiş və 120 şübhəli meymun çicəyi xəstəliyinə yoluxma halı qeydə alınıb.

 

Qarabaginfo.az xəbər verir ki, bu barədə Ümumdünya Səhiyyə Təşkilatı məlumat yayıb.

 

Təşkilat qeyd edir ki, xəstəlik üçün endemik olmayan bir neçə ölkədə yoluxma hallarının qəfil və eyni vaxtda ortaya çıxması virusun "müəyyən müddət ərzində aşkar edilməmiş" formada mövcud ola biləcəyini göstərir.

 

ÜST əksər hallarda xəstəlik və endemik ərazilərə səyahət arasında heç bir əlaqə aşkar edilmədiyini də bildirir.

 

Mayın 13-dən etibarən meymun çiçəyi xəstəliyi 23 qeyri-endemik ölkədə aşkar edilib. ÜST qeyri-endemik ərazilərdə müşahidə genişləndikcə yeni halların ortaya çıxacağını gözləyir.